«Ulug‘ saltanat» epopeyasida umuminsoniy, milliy va diniy qadriyatlarning ibrat tamsillari
Sohibqiron siymosi aks etgan salmoqli kitoblar orasida Muhammad Alining «Ulug‘ saltanat» epopeyasi alohida o‘rin tutadi. Ushbu asar ko‘lam jihatdan, voqealarning qamrovi, eng muhimi xalqimizning o‘lmas va umuminsoniy ma’naviy-diniy qadriyatlarini jahon ommasiga yuksak ibrat darajasida ko‘rsata olgani uchun ham qadrlidir. Kitobdagi murakkab taqdirlar, turli ziddiyat va ularning yechimlari kitobxonni hayajonga soladi.
